8 наурыз Халықаралық әйелдер күні

      Көктеммен бірге бізге тамаша мереке – 8 наурыз Халықаралық әйелдер күні келді. 8 наурыз – көктемнің ең ғажайып, ең нәзік мерекесі! Бұл күн ерекше, ол күн сәулесімен, әйелдердің күлкісімен, шашыраңқы гүлдермен, нәзіктікпен безендірілген. Мереке қарсаңында мектебімізде әйелдер күніне арналған мерекелік іс-шаралар өтті.

1-10 сыныптар арасында «8 наурыз – Халықаралық әйелдер күні» атты сынып сағаттары өтті. 5-10 сыныптар арасында «Көктем аруы-2023» байқауында қатысушылар өз өнерлерін көрсетті. Бастауыш сыныптарда Халықаралық әйелдер күніне арналған ертеңгілік өткізіліп, оқушылар би билеп, аяулы аналар, әжелер туралы тақпақтар мен әндер шырқады. Аналармен, әжелермен түрлі сайыстар өткізілді. Сүйікті аналарымыз бен әжелерімізге өз қолымызбен құттықтау хаттары, қолөнер бұйымдары сыйға тартылды.

Сондай-ақ оқушылар ұстаздар мен ата-аналарға арналған «8 наурыз мерекесі құтты болсын!» атты құттықтау бейнеролигін дайындады. Апта бойы мерекелік атмосфера орнады.