Мектеп бітіруші студенттермен кездесу

          17 - қаңтар  күні мектебімізде тәрбие ісінің меңгерушісі Халибек Амандықтың жетекшілігімен,  «Студенттік өмір деген- игі өмірдің бастауы!» атты мектеп бітірген студенттермен кездесу өткізілді.

   Кездесуге 9-10 сынып оқушылары және мұғалімдері қатысты. Кездесуді бастамас бұрын  «Студенттер күні» мерекесімен  келген студеттерді құттықтап, жақсы тілектер айтылып, ашылуына  9 сынып оқушысы  Құрманов Сұлтанбек домбырамен күй ойнады. Ахмет Байтұрсынов атындағы Қостанай өңірлік университеті арнайы педагогика мамандығының  2 курс студенті Дарменова Нурсулу және 4 курс студенті Рахат Ғалия,  Абай Мырзахметов атындағы Көкшетау университетінің  4 курс студенті Шериязданқызы  Баян,  Арқалық  қаласындағы  медициналық колледжінің 1 курс студенті Каменова Сабина қатысты. Кездесуде  ұстаздар мен студенттерге және оқушыларға жағдаяттық тапсырмалар беріліп, одан шығу жолдары қарастырылды.  Сонымен қатар «Мамандықтар тізбегі»  ойыны ойнатылып, оқушылар, студенттер мен  мұғалімдерге көкейлерінде жүрген әр түрлі мамандықтардың қыр-сыры туралы сұрақтарын қойып,  өздеріне  қажетті жауап алды. Іс-шара  барысында  оқушылар өз ойларын ортаға салып, болашақ мамандық таңдаудың дұрыс жолдарын ажырата білді.