Күзгі бал

КММ«Гастелло ауылы жалпы білім беретін мектебінде » 14 қыркүйек күні оқушылар мен ұстаздары дәстүрлі күзгі балға жиналды. Іс-шарада нағыз мерекелік көңіл күй орнап, бәсекелестік рухы толықтырды. Командалар үй тапсырмасына беріліп, дайындалған нөмірлер бойынша да  ептілік, тапқырлық көрсетіп бақ сынады. "Таныстыру" байқауында әр сынып өз өнерлерін  көрсетті.
Музыкалық байқауда ән, би және көріністер ұсынылды. Мұнда балалар өздерінің өнерпаздығы мен талантын толық көрсете білді. "Күзгі сән" байқауы ерекше көзге түсті. Байқауға қатысушылар  әртүрлі материалдардан жасалған костюмдерді өзіндік ерекшеліпен таныстырды.
Іс-шара соңында қазылар алқасы қорытынды жасады. Өз өнерлерін жоғары дәрежеде көрсетіп 7-б сынып оқушылары Гран-при алды. 1-орынды 9-б және 6-А сынып оқушылары алды; 2-орынды 5-б, 6-б және 8-б сынып оқушылары жеңіп алды; 3-орынды 5-А, 7-а және 9-а-10-а-10-б сынып командасының оқушылары бөлісті. Іс-шара көңілді бимен аяқталды. Мектеп оқушылары мен педагогтары өткізілген іс-шарадан жақсы көңіл-күй мен үлкен қуат алды.