«Балдырған» лагерінің бірінші ауысымы бойынша ақпарат.

 І ауысым маусымның 1-нен 10-на дейін «Балдырған» атты жазғы мектеп сауықтыру лагері өтті. Лагерьдің жұмыс уақыты 10:00-ден 13:00-ге дейін .

1 маусым күні «Сәлем, жаз!» атты тақырыбында іс- шаралар ұйымдастырылып, «Балдырған» лагерінің ашылуына арналған салтанатты сап жиыны өткізіліп, көңілді ойындар өткізілді. Онда «Ең әдемі сурет» асфальтта сурет салу сайысы ұйымдастырылды, балалармен бірігіп түрлі флешмоб билері  өтті.Әр апта белгілі бір тақырыпта өтті. Бірінші апта «Азаматтық-патриоттық» , екінші апта ««Экологиялық, еңбек»» деп аталды. Лагерь барысында оқушылардың қызығушылығын арттыру мақсатында   шығармашылық жұмыстар,  сайыстар  ұйымдастырылды.  Жазда балалар таза ауада көп серуендейді. Осыған орай «Жолда жүру ережесін білесің бе?» атты тәрбие сағаты ойын-сайыс түрінде өткізілді. Онда балалар жолда жүру ережесін қайталап, топтық сайысқа түсті. Тақырыпқа байланысты жұмбақтар, мақал-мәтелдер сайыстары өткізілді.

Лагерьдің жабылуына орай балалар табиғат аясына демалуға шықты. Тәрбиеші балалармен қауіпсіздік ережесін өткізді. Табиғат аясында балалар қозғалмалы ойындар ойнап , көңілді уақыт өткізді.